Марат Әхмәтов ТР Дәүләт Советы Рәисе вазифаларын башкаручы итеп сайланды
Татарстан Республикасы Дәүләт Советы Рәисе вазифаларын башкаручы итеп Марат Готыф улы Әхмәтов сайланды.
Әлеге карар депутатлар тарафыннан кабул ителде.
Марат Әхмәтов 1999–2019 елларда Татарстан Премьер-министры урынбасары, авыл хуҗалыгы һәм азык-төлек министры булып эшләде. 2019 елдан ул ТР Дәүләт Советы депутаты, ә 2024 елдан — җиденче чакырылыш депутаты, рәис урынбасары һәм депутат этикасы буенча комиссия башлыгы.
Шулай ук ул республика халыклары телләрен саклау һәм үстерү мәсьәләләре буенча ТР Рәисе каршындагы комиссияне җитәкли.
Марат Әхмәтов — авыл хуҗалыгы фәннәре кандидаты, РФ һәм Татарстанның атказанган авыл хуҗалыгы хезмәткәре. Ул Дуслык һәм Александр Невский орденнары белән бүләкләнгән, Татарстан Республикасы Дәүләт премиясе лауреаты.
