«“Кандидат килгәч, иң элек аның кая китәргә – артиллериягәме, пехота, Африка корпусы яки Пилотсыз системалар гаскәрләренәме китәргә теләвен ачыклыйбыз. Һәр кандидатның хәрби хезмәткә бәйле теләкләрен барлап, фикерләшәбез. Беренчел сайлап алудан соң, безне канәгатьләндерә икән, кая теләсә, шунда җибәрәбез. Хәзер пилотсыз очкычлар операторы һәм инженеры, шулай ук В, С, Е категорияләрендәге йөртүче-механик белгечлегенә ихтыяҗ зур. Бүлекләр, орудиеләр командирлары, пешекчеләр, санинструктор, фельдшерлар даталәп ителә», – дигән ул.

Исегезгә төшерәбез: 1 гыйнвардан Татарстанда Оборона министрлыгы белән контракт төзергә теләүчеләргә бер тапкыр түләүне 2,9 млн сумга кадәр җиткерделәр. Илдә – иң югары түләүләрнең берсе, Идел буе федераль округында – бөтенләй дә иң зур түләү бу. Ике өлештән тора: 2,5 млн сумы Татарстан бюджетыннан бирелә, ә 400 мең сумын министрлык бирә.

Моннан тыш бүгенгә нәкъ менә Татарстанда СВОда катнашучыларга һәм аларның гаиләләренә ярдәм итүгә юнәлдерелгән өч меңнән артыграк муниципаль акт кабул ителгән.

Татарстанда 117 хезмәте Пилотсыз системалар гаскәрләрендә хезмәт итү буенча контрактка кул куярга ниятләүчеләр өчен аерым «Кайнар линия» ачкан. Аңа эләгү өчен 117 номеры аша шалтыратып, 4нче төймәсенә басарга кирәк. Кандидат башлангыч күрсәткечләре буенча Пилотсыз системалар гаскәрләрендә хезмәт итү буенча контракт төзү өчен кулай табылса, аның мәгълүматлары сайлап алу пунктындагы белгечкә тапшырыла.

Яңа гаскәрләрнең хәрбиләре, «Герань»нән алып, «Странник» чылбырлы тәгәрмәчле дроннар һәм экипажсыз катерларга кадәр – пилотсыз очучы, йөзүче яки хәрәкәтләнүче барлык җайланмалар белән идарә итәчәк.

Пилотсыз системалар гаскәрләрендә контракт буенча хезмәт итү шартлары гадәтиеннән аерыла. Хезмәт итү срогы, контракт азагына кадәр хәрби хәрәкәтләр төгәлләнмәгән очракта да, автомат рәвештә озайтылмый. Хезмәт итүнең минималь вакыты – 1 ел. Хәрбиләр башка хезмәтләргә күчерелми, Татарстан белән күрше төбәкләрдә пилотсыз системалар белән идарә итүгә өйрәтелә.

Татарстан Республикасында РФ Оборона министрлыгы белән контрактка кул кую, өстәмә премияләр, ташламалар һәм түләүләр турында күбрәк мәгълүматларны сайттан (heroes-tatarstan.ru) табарга, шулай ук контракт буенча хәрби хезмәткә сайлап алу пунктына (1 нче разрядлы) түбәндәге адрес буенча мөрәҗәгать итәргә мөмкин: Казан, Аэропорт урамы, 1/40; тел. (843) 221 44 52. Башка төбәкләрдә яшәүчеләргә 8 800 222 59 00 яки кол-үзәкнең төбәкара номеры (117) буенча шалтыратырга кирәк.

Сүз уңаеннан, хәзерге вакытта Татарстанда «Кадрлар» илкүләм проекты гамәлгә ашырыла.