Татарстанда Кама аръягы елгаларында су күтәрелүе теркәлгән
Татарстанда 13 апрельгә берничә елгада язгы су күтәрелеше саклана. Кама аръягында тәүлек эчендә су 12-33 смга күтәрелгән, Нократ елгасында су 41 смга арткан.
Республиканың башка елгаларында узган тәүлектә язгы ташуның кимүе күзәтелгән, бу күрсәткеч 1-82 см тәшкил итә.
Кубня елгасында су – 90 смга, Иж елгасында 23 смга ярдан чыгу билгеләреннән югарырак кала. Башка елгаларда бу күрсәткечләр 93-468 смга түбәнрәк.
Уртача күпьеллык максималь күрсәткечләр белән чагыштырганда, Иж елгасында су 79 смга югарырак, Кубня елгасында 22 смга түбәнрәк, ә башка елгаларда 106-381 смга түбәнрәк.
Шул ук вакытта республиканың барлык елгаларында су басу куркыныч дәрәҗәләрдән 63-484 смга түбәнрәк кала.
Сүз уңаеннан, хәзерге вакытта «Экологик иминлек» илкүләм проекты гамәлгә ашырыла.
