Зәйдән махсус хәрби операция ветераны Батырлык ордены белән бүләкләнде
Зәйдә махсус хәрби операция ветераны Андрей Животиковка Батырлык ордены тапшыру тантанасы булды. Авдеевка янындагы штурмнарда катнашкан һәм авыр яраланган сугышчыга дәүләт бүләген Зәй районы башлыгы Рәзиф Кәримов тапшырды, дип яза «Татар-информ».
Андрей Животиков тумышы белән Казахстаннан. Зәйгә ул берничә ел элек күчеп килгән. Башта бирегә очраклы рәвештә килеп эләккән, әмма соңрак булачак хатынын очраткан, гаилә корган, яшәргә һәм эшләргә калган. Төзелештә хезмәт куйган, аннары үз эшен ачкан.
Махсус хәрби операциягә ир-ат повестка алганнан соң киткән.
Андрей Авдеевка янындагы 30 нчы бригаданың штурм подразделениесенә эләгә. Отделение командиры була, позывное Брунго була. Аның белән бергә Татарстанның төрле районнарыннан хәрбиләр хезмәт итә.
