Марат Әхмәтов Түбән Новгородта Идел буе закон чыгаручылар советы утырышында катнаша
ТР Дәүләт Советы Рәисе вазыйфаларын башкаручы Марат Әхмәтов эш сәфәре белән Түбән Новгородка килде, анда ул Идел буе федераль округының Закон чыгаручылар советы эшендә катнаша.
Бүген Түбән Новгород ярминкәсе территориясендә узачак пленар утырышта Идел буе парламентарийлары төзелешне үстерү, территорияләрне комплекслы үстерү проектларын, төзелеш тармагының кадрлар потенциалын гамәлгә ашыру мәсьәләләре буенча фикер алышачаклар. Моннан тыш, утырышның көн тәртибенә Идел буе федераль округы территориясендә яшьләр парламентаризмын үстерү мәсьәләләре дә кертелгән.
Утырышта Россия Президентының Идел буе федераль округындагы Тулы вәкаләтле вәкиле Игорь Комаров, Түбән Новгород өлкәсе губернаторы Глеб Никитин, Идел буе федераль округы Закон чыгаручылар советы Рәисе, Түбән Новгород өлкәсе Закон чыгару Җыелышы Рәисе Евгений Люлин, округ төбәкләренең закон чыгару җыелышлары җитәкчеләре катнашыр дип көтелә.
