Кырымда 29 кеше үлеменә китергән авиаһәлакәтнең сәбәбе билгеле
Ан-26 хәрби-транспорт самолёты һәлакәтенең сәбәбе кыяга бәрелү булган.
Бу хакта "Интерфакс" үз чыганагына сылтама белән хәбәр итә.
"Самолет кыяга бәрелде", — дигән ул.
РФ Оборона министрлыгы Ан-26 Кырым өстеннән планлы очыш вакытында һәлакәткә дучар булуы хакында хәбәр итте. Министрлык мәгълүматлары буенча, алты экипаж әгъзасы һәм 23 пассажир һәлак булган.
Россия хәрбиләре хәбәр итүенчә, һәлакәт урыны эзләү-коткару төркеме тарафыннан табылган. "Самолетка зарарлы йогынты булмады. Һәлакәтнең башлангыч сәбәбе – техник төзексезлек", — диелгән РФ Оборона министрлыгы хәбәрендә.
Министрлык мәгълүматлары буенча, Ан-26 белән элемтә 31 мартта Мәскәү вакыты белән 18:00 сәгатьтә өзелгән. Самолёт Кырым өстеннән планлы очыш ясаган булган.
