Казанда Космонавтика көненә багышланган кан бирү акциясе уздырыла
Акция 8 апрельдән 10 апрельгә кадәр уза. Анда сәламәтлек күрсәткечләре яхшы булган, тән авырлыгы 50 килограммнан артык балигъ яшьтәге студентлар катнаша ала. Бу хакта Казан мэриясе хәбәр итә.
Акциядә катнашучы һәр кешегә DonorSearch бергәлегеннән сувенирлар тапшырыла һәм донорлар өчен «Волонтер-медиклар» командасы тарафыннан махсус квест әзерләнә, дип хәбәр итә Балалар һәм яшьләр эшләре комитеты.
Кан тапшыруга рөхсәт бирелә торган критерийларның тулы исемлеге һәм донорлыкка каршы күрсәтмәләр белән сылтама буенча танышырга була.
Чарада катнашу өчен теркәлергә кирәк.
Акция Җиңү проспекты, 85 йорт адресы буенча узачак.
