Гадәттән тыш хәлләр министрлыгы республикада көчле яңгыр һәм томан турында кисәтте
Гадәттән тыш хәлләр министрлыгы бүген, 20 апрельдә, Татарстанда урыны белән томан һәм көчле яңгыр, карлы яңгыр көтелүе турында хәбәр итте.
Республика халкына реклама такталары, юл билгеләре, агачлар һәм электр линияләре астына качмаска киңәш ителә.
«Урамнар һәм юллар аша чыкканда сак булыгыз. Балаларны караусыз калдырмагыз, өлкәннәргә һәм авыруларга ярдәм күрсәтегез. Ашыгыч хезмәтләр телефоны – 112», – диелә министрлык хәбәрендә.
