Балтачта үткән шундый ярышта сабыйлардан алып, өлкәннәр дә — барлыгы 99 чаңгычы катнашкан. Үз спортчыларыннан тыш Арча, Саба районнарыннан, Мари Иленнән дә чаңгычылар уналты категориядә көч сынашкан.

Ярышта катнашучыларның иң кечесенә ун яшь тә тулмаган булса, 65-70 яшьлекләр арасында Балтачтан Екатерина Ракова, Сабадан Азат Дәүләтшин һәм Мари Иленнән Юрий Ясмурзин иң матур нәтиҗәләр күрсәткән. "Быелгы сезон ярышларга да, матур җиңүләргә дә бай булды.

Катнашкан һәр спортчыга, аларны әзерләгән тренерларга, гомумән, чаңгы спортын популяштыруда өлеше кергән һәркемгә без бик рәхмәтле. Шөгыльләнү өчен мөмкинлекләр елдан- ел арта, монысы да бик куанычлы. Инде бүгеннән киләсе сезонны түземсезлек белән көтәбез",- ди район башкарма комитетының спорт һәм яшьләр эшләре бүлеге мөдире Рөстәм Заһидуллин.

Сүз уңаеннан, хәзерге вакытта Татарстанда “Без бергә” төбәк проекты гамәлгә ашырыла.